У Баранавічах сем месяцаў не працаваў апарат МРТ

• 11.12.2023, 15:21

Гэта не першы такі выпадак у Беларусі.

У Баранавіцкай гарадской лякарні №1 пасля рамонту запрацаваў апарат МРТ. Ён выйшаў з ладу яшчэ ў пачатку траўня.

"Цяпер ён адноўлены і, паводле інфармацыі намесніка галоўнага лекара ў тэхніцы цэнтральнай паліклінікі Васіля Гаркавага, медыкі пачалі прымаць пацыентаў для абследавання на МРТ", – адзначае выданне.

Гэта не першы такі выпадак у Беларусі, піша «Белсат». Напрыклад, у пачатку года пасля пяцімесячнага прастою пачалі чыніць апарат МРТ у лякарні Маладзечна. Тады прадстаўнік "Медтэхнацэнтра" распавёў, што ў Беларусі праблема з дэталямі для такіх апаратаў кампаніі Siemens.

У снежні ў Ляхавіцкім раёне пачаў працаваць камп'ютарны тамограф, які зламаўся ў верасні. У Ляхавіцкай ЦРБ таксама скардзяцца на праблемы з дэталямі праз санкцыі.

Аднак справа не толькі ў санкцыях. Напрыклад, яшчэ ў 2017 годзе ў Бабруйску скардзіліся, што рэгулярна выходзіць з ладу адзіны ў горадзе апарат МРТ.