Ізноў вінаватыя беларусы?

• 12.06.2024, 11:56

Цынічная заява лукашыстаў пра адток медыкаў.

Лукашэнкаўская прапаганда назвала прычыну адтоку медыкаў.

На тэлеканале ОНТ заявілі, што яна ў тым, што лекары "сталі вымушаныя перад кімсьці апраўдвацца" і "амаль кожны дзень" тлумачыць пацыентам, "як яны лечаць і ці правільна яны гэта робяць".

Адток лекараў з Беларусі нібыта не звязаны ні з палітыкай, ні з заробкамі (“цяпер лекары на даходы не скардзяцца”), а з няўдзячнымі пацыентамі. Такую выснову прапагандыст зрабіў пасля размоў з "вельмі многімі" ананімнымі крыніцамі "ад галоўнага лекара да медсясцёр".

- Па-мойму, геніяльнае тлумачэнне, - адрэагаваў канал “Вечерний дофамін”. - Беларусы наогул ва ўсім вінаватыя. Калі іх прыбраць - Лукашэнка зажыве па-чалавечы! Але ёсць і плюс: нават прапагандысты не могуць зрабіць выгляд, што праблемы з дэфіцытам кадраў не існуе.