Украінскі спецназ высадзіўся з асаблівай місіяй у Пакроўску

• 1.11.2025, 17:22

Аперацыяй кіруе асабіста Кірыл Буданаў.

Украінскае камандаванне на пачатку гэтага тыдня накіравала ў Пакроўск спецпадраздзяленні ЗСУ для процідзеяння расійскай арміі — менавіта ў той час, калі ваеннае камандаванне Узброеных Сіл РФ заяўляла пра нібыта акружэнне украінскіх абаронцаў на гэтым участку фронту. Пра гэта піша агенцтва Reuters са спасылкай на некалькі крыніц ва украінскай арміі.

«Гэта аперацыя дэманструе, як Украіна змагаецца за стабілізацыю сітуацыі ў стратэгічна важным горадзе пасля таго, як у гэтым месяцы дзясяткі расійскіх вайскоўцаў прарвалі яго перыметр», — піша медыя.

Reuters адзначае, што спецназаўцы Сіл абароны Украіны высадзіліся ў Пакроўску яшчэ некалькі дзён таму. Для аперацыі задзейнічалі Black Hawk. Сама аперацыя, як паведамілі медыя ў каментарыі 7-га корпуса хуткага рэагавання, была ўскладненая з-за расійскіх беспілотнікаў, якія дзейнічалі ў гэтым раёне.

СМІ таксама пацвердзіла інфармацыю «Суспільнага» пра тое, што аперацыяй у Пакроўску кіруе асабіста начальнік Галоўнага ўпраўлення разведкі МА Украіны Кірыл Буданаў.

Іншая крыніца распавяла Reuters, што украінскія спецназаўцы накіраваліся ў тыя часткі Пакроўска, якія Крэмль лічыць «жыццёва важнымі» для украінскай лагістыкі. Да таго ж, як сцвярджае медыя, захоп Расіяй Пакроўска можа дазволіць Узброеным Сілам РФ прасунуцца далей ва ўсходнюю частку Данецкай вобласці, якую Крэмль хоча акупаваць цалкам.

Крыніцы ва украінскай арміі распавялі агенцтву, што прынамсі дзве сотні расійскіх вайскоўцаў прарвалі абарону Пакроўска, пранікнуўшы ў горад.

У расійскім Мінабароны на момант публікацыі каментарыяў аб аперацыі ЗСУ ў Пакроўску не выказваліся.