У Індыі ўспыхнулі антырасійскія пратэсты

• 4.11.2025, 13:52

Мітынг сабраў сваякоў, падманам завербаваных у армію РФ.

У Дэлі на пратэсты выйшлі бацькі, браты і сёстры індыйцаў, падманам завербаваных у расійскую армію, паведамляе «Дождь».

Шмат хто з іх ехаў у Расію, як ім казалі, на вучобу, але іх прымушалі падпісаць кантракт на рускай мове. Апошні загінулы і вернуты на радзіму — 28-гадовы Сону, яго пахаванне адбылося 29 кастрычніка.

На мітынг, паводле дадзеных журналістаў, выйшлі каля 50 сваякоў, яны патрабуюць рэакцыі ад урада Індыі і просяць вярнуць іх сыноў і братоў дадому. Яны выйшлі з плакатам, на якім 20 фотаздымкаў індыйцаў у вайсковай форме — усе яны апынуліся ў расійскай арміі, некаторыя зніклі без вестак, двое з іх загінулі, але родныя не могуць атрымаць целы назад.

Паводле звестак СМІ, сем’і загінулых не атрымліваюць ніякіх кампенсацый з боку расійскіх уладаў.