Варшаўская акцыя Ціханоўскіх

• 27.06.2025, 9:04

Сустрэча з былым палітвязнем прайшла каля помніка Каперніку ў польскай сталіцы.

Акцыя-сустрэча з Сяргеем і Святланай Ціханоўскімі ля помніка Каперніку ў Варшаве доўжылася паўтары гадзіны, паведамляе «Радыё Рацыя».

Сяргей Ціханоўскі выступаў з уздымам, з яго біла энэргія, яго віталі беларусы, якія прыйшлі на сустрэчу. Калі казаў пра катавальныя ўмовы для палітвязняў у турмах, на вачах выступілі слёзы.

Выступалі таксама намеснік Святланы Ціханоўскай у «Аб'яднаным пераходным кабінеце» Павел Латушка і спікер «Кардынацыйнай рады» Арцём Брухан, былыя палітвязні Алег Кулеша і Антаніна Канавалава, былы воін УСУ Аляксандр Сахарук.

Людзей прыйшло шмат - са сцягамі і плакатамі. Выступалі таксама музыкі і «Вольны хор».

Галоўнымі словамі Ціханоўскага падчас выступу сталі: «Я зламаю гэты рэжым, калі вы мне дапаможаце!»