Украінскія дэсантнікі разбілі вялікую мотакалону расейцаў

• 27.06.2025, 11:23

Акупанты на шалёнай хуткасці пачалі рух у накірунку пазіцый УСУ.

На адным з адрэзкаў фронту расейскія акупанты зладзілі масаваны моташтурм. Калоннай матацыклетнай тэхнікі яны спрабавалі прарваць абарону дэсантнікаў 71-й асобнай егерскай брыгады ДШУ УСУ. Зрэшты, штурм пайшоў не паводле плану. Аб гэтым паведамілі ў прэс-службе брыгады.

«Вораг увесь час атакуе. Стаўка - на хуткасць і масавасць. Мотакалона і пяхота павінны былі прарваць нашы лініі абароны. Але ўсё пайшло не паводле іх плану», - паведамілі ў брыгадзе.

Адзначаецца, што акупанты на шалёнай хуткасці пачалі рух у накірунку ўкраінскіх пазіцый. Зрэшты, дэсантнікі УСУ ўжо пільнавалі іх у зручным месцы і пачалі разносіць дронамі расейскіх штурмавікоў.

«Першыя матацыклісты наткнуліся на шчыльны адпор ад нашых дронаў - тэхніка была знішчаная, стварыўшы перашкоду для наступных атак. Далей - дакладная праца FPV, скіды з неба і зладжаная каардынацыя аператараў», - распавялі байцы.

Далей штурм сышоў на нішто. Ацалелыя расейцы пачалі разбягацца ў розныя бакі, але былі па аднаму знішчаныя.