Амерыканскі генерал раскрыў, колькі гадоў ЗША заносілі «Паўночны молат» над Форда

• 28.06.2025, 10:35

Вашынгтон рыхтаваўся да ракетнага ўдару па Іране яшчэ ў часы прэзідэнцтва Барака Абамы.

ЗША рыхтаваліся да бамбавання Ірана доўгі час. Канкрэтна за бункерным падземным сховішчам Форда сачылі амаль 16 гадоў. Вашынгтон рыхтаваўся нанесці папераджальны ўдар, калі ўзнікнуць прыкметы таго, што ў Ірана з'явілася ядзерная зброя.

Пра гэта ішла размова ў дакладзе кіраўніка Аб'яднанага камітэта кіраўнікоў штабоў ЗША Дэна Кейна, паведамляе a target="_blank" href="https://www.washingtonpost.com/national-security/2025/06/26/hegseth-caine-iran-nuclear-damage-assessment/">The Washington Post.

«Вы не будзе ўзводзіць бункер глыбока ў гарах для цывільных мэтаў», – слушна заўважыў 56-гадовы генерал.

Амерыканскі вайсковец указаў, што за бункерным комплексам і падземным сховішчам для ўзбагачэння ўрану Форда назіралі з 2009 года, праектам займалася група асобаў з Агенцтва памяншэння пагрозы абароне Пентагона.

Аналізуючы такую цэль, як Форда, варта памятаць, што ягоная асноўная частка знаходзіцца за 96 км ад Тэгерана ў гарах каля горада Кум на глыбіні 80–90 метраў.

Ні прэзідэнт Дональд Трамп, ні кіраўнік Мінабароны ЗША Піт Хегсет сумневаў у выніковасці аперацыі не выказвалі, у той самы час яны былі абураныя выцечкай інфармацыі ў СМІ. Менавіта апошняе і стала прычынай справаздачы генэрала Кейна.