Стармер пра сустрэчу з Зяленскім пасля сваркі з Трампам: Я не чакаў на прыступках, а падышоў і абняў

• 28.06.2025, 13:40

Прэм'ер-міністр Вялікай Брытаніі расказаў кранальную гісторыю.

Прэм'ер-міністр Вялікай Брытаніі Кір Стармер першым з еўрапейскіх лідараў сустракаў прэзідэнта Украіны Уладзіміра Зяленскага ў Лондане адразу пасля ягонай сваркі з прэзідэнтам ЗША Дональдам Трампам у Авальным кабінеце. Ён спрабаваў падтрымаць Зяленскага.

Пра гэта піша Times, інфармуе Громадське.

Паводле словаў Стармера, ён наўмысна падышоў да Зяленскага, калі той толькі прыбыў на Даўнінг-стрыт.

«Звычайна я пачакаў бы на прыступках, каб павітаць яго. Але я сапраўды ўсведамляў, што ён пакінуў Белы дом адзін. Таму я падышоў да яго і як бы абняў яго», – адзначыў прэм'ер.

Ён таксама правёў Зяленскага да машыны напрыканцы сустрэчы. «Я хацеў, каб ён ведаў, што мой дом не пакідаюць у адзіноце», – дадаў Стармер.