Якое надвор'е чакае беларусаў у нядзелю?

• 28.06.2025, 13:43

Сіноптыкі падзяліліся прагнозам.

Аранжавы ўзровень небяспекі прадоўжылі на 29 чэрвеня сіноптыкі. Адпаведнае папярэджанне апублікаваў Белгідрамет.

Днём у нядзелю ў многіх раёнах краіны чакаецца ўзмацненне паўночна-заходняга ветру. Парывы будуць дасягаць хуткасці 15–20 м/с.

Акрамя ветру, чакаюцца месцамі кароткачасовыя дажджы, днём у асобных раёнах з навальніцамі. Тэмпература паветра ноччу +9…16°С, днём +19…26°С.

У панядзелак, 30 чэрвеня, будзе пераважна без ападкаў, толькі днём па паўночна-ўсходняй палове пройдуць кароткачасовыя дажджы, у асобных раёнах з навальніцамі. Вецер паўночна-заходні, заходні парывісты, днём на большай частцы моцны парывісты. Тэмпература паветра ноччу +8…13°С, днём +18…24°С.