Мерц: Трамп адчуў, што паміж намі ёсць «хімія»

• 28.06.2025, 14:19

Канцлер Нямеччыны паведаміў пра «добрыя сувязі» з прэзідэнтам ЗША.

Канцлер Нямеччыны Фрыдрых Мерц заявіў, што мае «добрыя сувязі» з прэзідэнтам ЗША, у сваю чаргу Дональд Трамп нібыта таксама адчувае паміж імі «хімію».

Пра гэта нямецкі канцлер сказаў у інтэрв'ю Süddeutsche Zeitung.

Так, паводле словаў Мерца, пасля сустрэчы ў Белым доме Трамп даслаў яму тэкставае паведамленне, у якім выказаў аналагічнае меркаванне.

«Трамп відавочна адчуў, што паміж намі ёсць хімія і што мы можам добра зразумець адзін аднаго», – дадаў Мерц, адзначыўшы, што адказаў: «Дзякуй».

Таксама нямецкі канцлер адзначае, што на сустрэчы NATO, дзе лідары ўхвалілі значнае павелічэнне мэтавых выдаткаў Альянсу на абарону, Трамп выслухаў выступы ўсіх 32 дзяржаў-чальцоў.

«Ён слухае, задае пытанні, разважае. Ён зацікаўлены ў іншых меркаваннях і парадах», – адзначыў Мерц.