«Я ніколі сама не плаціла»

• 28.06.2025, 15:47

Менчукі расказалі, колькі каштуе іх ідэальны адпачынак.

Blizko.by выйшаў у цэнтр Менска і распытаў у гараджанаў усё пра іх ідэальны адпачынак. Куды ездзяць адпачываць беларусы, колькі гатовыя аддаць на адпачынак і якія ўмовы на адпачынку людзі ўважаюць для сябе за ідэальныя.

Мінакі, з якімі журналісты пагутарылі, ацэньваюць кошт ідэальнага адпачынку па-рознаму:

– Ідэальны? Блін, я ніколі сама за адпачынак не плаціла. Не ведаю.

– Ідэальны, я не ведаю, вось цяпер 4 тысячы з жонкай адкладаем.

– 3.500 – Дубай, 3 тысячы – Турцыя.

Увогуле, сумы, у якія, на думку менчукоў, «укладзецца» іх ідэальны адпачынак, вар'іруюцца ад 3 да 10 тысячаў даляраў. З кірункаў жыхары беларускай сталіцы выбіраюць традыцыйную для беларусаў Турцыю ці больш экзатычныя Дубай, Маўрыкій ці Мальдывы.

Патрабаванні да ўмоваў адпачынку ў беларусаў такія:

– Першая лінія. Пясчаны пляж і дно. Усё ўключана.

– Для нас важна, каб побач было мора. Гатэль не найважнейшае, таму што прыязджаеш адпачываць не ў гатэль.