Нарвежскія F-35 будуць абараняць ключавы хаб дапамогі Украіне ў Польшчы

• 30.06.2025, 12:21

Раней Осла ўжо задзейнічала NASAMS для прыкрыцця аэрапорта ў Жэшуве.

Нарвегія гэтай восенню размесціць знішчальнікі F-35 у Польшчы, павялічваючы свой унёсак у «проціпаветраную і супрацьракетную абарону NATO», пра гэта паведаміла Міністэрства абароны Нарвегіі.

Нарвежскія F-35 будуць размешчаныя ў Польшчы для падтрымкі місіі па абароне польскай паветранай прасторы і ключавога лагістычнага цэнтра для надання дапамогі Украіне ў Жэшуве.

«Гэта надзвычай важны ўнёсак. Мы дапамагаем забяспечыць, каб дапамога Украіне дайшла да месца прызначэння, і каб Украіна магла працягваць барацьбу за свабоду», - заявіў міністр абароны Нарвегіі Турэ А. Сандвік.

Са снежня 2024 года для прыкрыцця аэрапорта ў польскім Жэшуве задзейнічаныя нарвежскія NASAMS.