ЕЗ афіцыйна падоўжыў сектаральныя санкцыі супраць Расеі яшчэ на паўгода

• 30.06.2025, 14:11

Пра гэта заявіла Кая Калас.

У ЕЗ абвесцілі афіцыйнае падаўжэнне сектаральных санкцый супраць Расеі яшчэ на паўгода.

Пра гэта ў Х напісала кіраўнік еўрапейскай дыпламатыі Кая Калас, інфармуе “Европейская правда”.

Як адзначыла топ-дыпламат ЕЗ, ціск на Расею будзе працягвацца, пакуль яна не спыніць вайну супраць Украіны.

"Кожная санкцыя аслабляе здольнасць Расеі весці вайну", – адзначыла Калас.

Суразмоўца "Европейскай правды", каментуючы гэтае рашэнне, расказаў, што паводле вынікаў пісьмовай працэдуры ўсе 27 краін ЕЗ падпісалі дакумент аб падаўжэнні сектаральных санкцый.

"Такім чынам: санкцыі падоўжаны да 31 студзеня 2026 года", - дадаў ён.