«Дзвесце, усе дзвесце»

• 1.07.2025, 9:42

У Данецку пад удары Storm Shadow патрапіў штаб 8-й арміі РФ.

Ракеты Storm Shadow нанеслі ўдар па важным вайсковым аб'екце расейцаў у акупаваным Данецку.

Многія ўкраінскія каналы паведамляюць, што пад ударам аказаўся штаб 8-й агульнавайсковай арміі РФ, які размяшчаўся ў будынку Данецкага інстытута каляровых металаў.

Сам будынак знаходзіцца побач з ЦУМам, паведамляе канал «Украіна 365».

Вайсковы аналітык Ян Мацвееў заявіў, што ў будынку ДанІЦМ, хутчэй за ўсё, сапраўды знаходзіўся штаб расейскага войска.

Рэсурс Dnipro «Гарбуз» паведамляе, што ўдар быў нанесены ракетамі Storm Shadow.

Паблік «Кіберборошна» сцвярджае, што ўдар прыйшоўся па месцы, дзе актыўна працавалі над беспілотнікамі і сістэмамі РЭБ.