Польшча часова аднаўляе кантроль на мяжы з Літвой і Нямеччынай

• 1.07.2025, 14:33

З 7 ліпеня.

Польшча аднаўляе памежны кантроль на мяжы з Нямеччынай і Літвой. Адпаведнае рашэнне прыняў прэм'ер-міністр Дональд Туск.

Польскі прэм'ер заявіў, што кантроль аднаўляецца часова. Рашэнне было прынята сёння, а набудзе моц у панядзелак, 7 ліпеня. За выкананне гэтай меры будзе адказваць кіраўнік Міністэрства ўнутраных справаў.

- Я папярэджваў нямецкі бок яшчэ ў сакавіку, гаварыў пра гэта некалькі разоў з новым канцлерам, - перадае onet.pl словы Туска.