Netflix і NASA аб'ядноўваюцца дзеля прамых трансляцый з космасу

• 1.07.2025, 17:24

Падпісчыкі змогуць у рэальным часе назіраць запуск ракет і высадку астранаўтаў.

Netflix аб'явіў пра партнёрства з NASA, дзякуючы якому ўжо гэтым летам на стрымінгавым сэрвісе з'явяцца прамыя трансляцыі з удзелам касмічнага агенцтва. Падпісчыкі змогуць у рэальным часе назіраць запуск ракет, выхад астранаўтаў у адкрыты космас і віды Зямлі з борта Міжнароднай касмічнай станцыі, піша TechCrunch (пераклад - сайт Charter97.org).

Акрамя таго, на платформе будзе даступны дадатковы кантэнт з NASA + – уласнага стрымінгавага сэрвісу NASA без рэкламы, запушчанага ў 2023 годзе.

Да нядаўняга часу прамыя трансляцыі Netflix абмяжоўваліся ўнутранымі праектамі і эксклюзіўнымі падзеямі. Супрацоўніцтва з NASA сведчыць пра імкненні кампаніі пашырыць лінейку прамога эфіру.

У апошнія гады Netflix актыўна развівае кірунак live-кантэнту, у тым ліку стэндап-шоу, цырымоніі ўзнагароджання і спартыўныя мерапрыемствы. У ліку нядаўніх праектаў - трансляцыі бітваў WWE і зорнага гольф-турніру.

Партнёрства з Netflix адчыняе космас яшчэ шырэй для мільёнаў гледачоў ва ўсім свеце.