У Польшчы канчаткова зацвердзілі абранне Караля Наўроцкага прэзідэнтам

• 1.07.2025, 21:50

Вярхоўны суд Польшчы абвясціў пастанову.

Вярхоўны суд Польшчы ў аўторак прызнаў сапраўдным абранне Караля Наўроцкага прэзідэнтам у другім туры выбараў 1 чэрвеня.

Пра гэта гаворыцца ў пастанове, апублікаванай на сайце суда.

Пастанову аб сапраўднасці прэзідэнцкіх выбараў найвышэйшы суд Польшчы прыняў пасля разгляду на адкрытым паседжанні Палаты надзвычайных справаў і грамадскіх справаў.

Як адзначаецца ў пастанове, Вярхоўны суд «сведчыць сапраўднасць абрання Караля Тадэвуша Наўроцкага Прэзідэнтам Рэспублікі Польшча, што адбылося 1 чэрвеня 2025 года».