УСУ спалілі расейскі цягнік з палівам на Запарожскім кірунку

• 10.07.2025, 9:56

Да ворага не даехала 20 цыстэрнаў.

УСУ спалілі чарговы цягнік з палівам на акупаванай частцы Запарожскай вобласці. На гэты раз да войска РФ не даехала 20 цыстэрнаў з палівам.

Паспяховая праца УСУ адбылася на чыгунцы паміж Такмаком і Чарнігаўкай. Радаснымі навінамі падзяліўся Пётр Андрушчанка на сваёй старонцы ў сацсетцы.

Самае цікавае, што не так даўно акупанты ўжо паправілі каляіну, якая была пад ударамі УСУ, і тут зноў прылёты. З улікам бесперапыннай спякоты ворагу будзе не толькі складана рамантаваць саму каляіну, але і тушыць пажары.

Андрушчанка паабяцаў, што пазней у Сетцы павінны з'явіцца кадры моманту і наступстваў нападу на чыгуначны склад войска РФ.