Газ у Еўропе патаннеў да мінімуму з 2021 года

• 10.07.2025, 11:37

Стабільны імпарт ЗПГ дапамагае назапашваць запасы да зімы.

Кароткатэрміновыя ваганні коштаў газу на еўрапейскім рынку дасягнулі самага нізкага ўзроўню за амаль чатыры гады. Прапанова перавешвае асцярогі наконт магчымага росту попыту на «блакітнае паліва» ў свеце.

Выданне Bloomberg піша, што ў чацвер, 10 ліпеня, ф'ючэрсы на бенчмарк крыху выраслі, а 10-дзённы індэкс валацільнасці застаўся на ўзроўні верасня 2021 года.

Больш высокі, чым звычайна, імпарт звадкаванага прыроднага газу і адносна стрыманы спотавы попыт на паліва ў Кітаі стрымліваюць кошты пасля турбулентнасці ў чэрвені. На гэты момант Еўропе ўдаецца прыцягваць дастатковую колькасць паставак, каб назапасіць запасы на ацяпляльны сезон - гэтыя намаганні адсочваюць трэйдары.

Аднак, рызыкі застаюцца, бо большая частка ліпеня, як чакаецца, будзе гарачэйшай, чым звычайна, ва ўсёй Еўропе, што можа прывесці да павелічэння спажывання газу для задавальнення попыту на энэргію для астуджання. Ачагі попыту з'яўляюцца таксама ў Паўночнай Азіі і Паўднёвай Амерыцы.

У найбуйнейшай эканоміцы Еўропы, Нямеччыне, праз недахоп ветру ў гэтым месяцы чакаецца рост попыту на газ і вугальную энэргетыку.