WP: Трамп перадаў Украіне частку з вайсковай дапамогі паводле спісу Зяленскага

• 10.07.2025, 11:57

Змены адбыліся на фоне раздражнення Вашынгтона пазіцыяй Крамля.

Пасля паўгода скептыцызму з боку Белага дома ў дачыненні да Кіева і дружалюбнага настрою да Масквы, прэзідэнт Дональд Трамп і вядучыя рэспубліканцы змянілі курс. Белы дом рыхтуецца адправіць Украіне дадатковае ўзбраенне, а Кангрэс - прыняць жорсткія санкцыі супраць Расеі.

Пра гэта паведамляе The Washington Post.

Змены адбыліся на фоне раздражнення Трампа праз нежаданне Уладзіміра Пуціна сур'ёзна абмяркоўваць шляхі заканчэння вайны супраць Украіны. Трамп паабяцаў летась хутка спыніць канфлікт, але пацярпеў няўдачу.

Высокапастаўлены прадстаўнік Белага дома паведаміў, што прэзідэнт пагадзіўся на некаторыя ўкраінскія запыты ў вайсковай дапамозе на аснове дэталёвага спісу, які прэзідэнт Украіны Уладзімір Зяленскі перадаў яму ў мінулым месяцы падчас сустрэчы ў Гаазе.

На Капіталійскім узгорку спікер Палаты прадстаўнікоў Майк Джонсан і лідар большасці ў Сенаце Джон Тун заявілі, што паспрабуюць у гэтым месяцы прыняць закон, які дасць Трампу магчымасць уводзіць санкцыі супраць пакупнікоў расейскіх энэрганосьбітаў.