Азербайджан і Арменія правялі сустрэчу

• 10.07.2025, 19:38

У Крамлі адрэагавалі нервова.

У сталіцы Аб'яднаных Арабскіх Эміратаў — Абу-Дабі прайшла важная сустрэча паміж прэзідэнтам Азербайджана Ільхамам Аліевым і прэм'ер-міністрам Арменіі Ніколам Пашынянам. Перамовы сталі чарговым этапам у спробах дасягнуць трывалага міру паміж дзвюма краінамі, якія дзесяцігоддзямі знаходзяцца ў стане канфлікту, асабліва на фоне спрэчак вакол Нагорнага Карабаха і сумежных тэрыторый, перадае азербайджанскае «Радыё Свабода».

З армянскага боку ў перамоўным працэсе ўзялі ўдзел высокапастаўленыя чыноўнікі: віцэ-прэм'ер Мгер Грыгаран, сакратар Савета Бяспекі Армэн Грыгаран, кіраўнік МЗС Арарат Мірзаян і віцэ-спікер парламента Рубэн Рубінян. Азербайджанскую дэлегацыю прадстаўлялі віцэ-прэм'ер Шахін Мустафаеў, міністр замежных спраў Джэйхун Байрамаў, спецпрадстаўнік прэзідэнта Эльчын Амірбекаў і прэс-сакратар МЗС Хікмет Гаджыеў.

Як паведаміў гісторык Жырайр Ліпарыцян у інтэрв'юс ВВС, на парадку дня стаялі пытанні разблакавання транспартных калідораў, у першую чаргу праекта зангезурскага калідора, а таксама пытанні дэмаркацыі мяжы і іншыя спрэчныя моманты, не ўрэгуляваныя дагэтуль.

Напярэдадні сустрэчы амерыканскі дзяржсакратар Марка Рубіё выказаў аптымізм з нагоды дасягнутага прагрэсу і надзею на больш хуткае ўкладанне пагаднення. ЗША раней ужо выступалі пасярэднікам паміж дзвюма краінамі, і дыпламатычны ўдзел Вашынгтона, а таксама Егіпта, Катара і ААЭ, спрыяе захаванню дыялогу.

Тым часам, на фоне збліжэння Баку з Захадам і зніжэннем залежнасці ад Расеі, у расейскіх прапагандысцкіх медыях быў заўважаны паварот рыторыкі. У крамлёўскім парадку дня далі ўказанне распаўсюджваць негатыўныя настроі ў дачыненні да некалі прыязнага, Азербайджану, які адвярнуўся ад Расеі, падобныя тым, што з 2014 года казалі пра Украіну.