Амбасадарам Украіны ў ЗША можа стаць нечаканы кандыдат

• 10.07.2025, 21:10

Зяленскі пракаментаваў магчымае прызначэнне.

Прэзідэнт Украіны Уладзімір Зяленскі паведаміў, што калі ён прыме пастанову аб прызначэнні дзейнага міністра абароны Украіны Рустэма Умерава амбасадарам Украіны ў ЗША замест Аксаны Маркаравай, гэта прывядзе да сур'ёзных змен у Кабінеце міністраў Украіны. Як перадае карэспандэнт unian.net, пра гэта ён сказаў на прэс-канферэнцыі ў Рыме.

Кіраўнік дзяржавы падкрэсліў, што змена пасла Украіны ў ЗША адбудзецца.

"Што тычыцца новага амбасадара, я б так сказаў, Кабінета міністраў — я скажу шчыра: калі я надумаю, і гэта будзе найбліжэйшым часам, што прадстаўляць Украіну ў Злучаных Штатах Амерыкі — гэта значыць ключавым нашым паслом будзе міністр абароны Рустэм Умераў — гэта, безумоўна, паўплывае на сур'ёзныя перастаноўкі ва ўрадзе Украіны”, — падкрэсліў Зяленскі.