Сабаленка трапіла ў скандал пасля вылету з Уімблдона

• 10.07.2025, 21:40

Беларуская тэнісістка нервова адрэагавала на дзеянні спаборніцы.

У рамках паўфіналу Уімблдона сустракаліся першая ракетка свету Арына Сабаленка і амерыканка Аманда Анісімава (№12 WTA).

Анісімава здолела перамагчы спаборніцу ў трох сэтах— 6:4, 4:6, 6:4.

Падчас паядынку адбылася скандальная сітуацыя. Анісімава ў адным з вызначальных геймаў здабыла бал пасля трапляння мяча ў трос, які змяніў яго кірунак.

Сабаленка нервова адрэагавала на гэты момант і выказала сваю прэтэнзію спаборніцы: «Чаму ты не выбачылася?».