Частка Жлобіна і раёна засталася без электрычнасці

• 11.07.2025, 9:50

Без электразабеспячэння засталіся 14 населеных пунктаў.

Пасля праходжання навальнічнага фронту ўвечары ў чацвер без электрычнасці засталася частка Жлобіна і Жлобінскага раёна. Пра гэта напісала мясцовая раёная газета.

Фронт прайшоў па раёне з 20: 30 да 22: 00. У выніку адбылося аварыйнае адключэнне васьмі высакавольтных ліній 10 кВ, а таксама шматлікія адключэнні на лініі 0,4 кВ.

У Жлобіне без электрычнасці засталіся частка вуліц, а таксама пасёлак Вірскі. У Жлобінскім раёне без электразабеспячэння засталіся 14 населеных пунктаў.

Падачу электрычнасці ва ўсе населеныя пункты аднавілі неўзабаве пасля поўночы. Але на раніцу энергетыкі яшчэ працавалі над аднаўленнем некалькіх ліній 0,4 кВ у Жлобіне і раёне.

Таксама ўраган валіў дрэвы і ў лесе. Работнікі Жлобінскага лясгаса ноччу былі вымушаныя выйсці на працу, каб разблакаваць лесавоз: машына не магла праехаць па лясной дарозе, заваленай бураломам.