«Убачыце, што будзе далей»: Трамп паабяцаў адказ Крамлю

• 11.07.2025, 19:24

Прэзідэнт ЗША адрэагаваў на атаку РФ на Харкаў.

Прэзідэнт ЗША Дональд Трамп адрэагаваў на расейскі ўдар «Шахедамі» па радзільным доме ў Харкаве раніцай 11 ліпеня.

Аб гэтым ён сказаў журналістам падчас брыфінгу перад візітам у штат Тэхас, паведамляе Цензор.НЕТ.

Трамп адказаў на пытанне рэпарцёра, як ён ставіцца да сённяшняй атакі РФ па Украіне.

«Я ведаю [пра атаку]. Вы ўбачыце, што будзе адбывацца далей», - дадаў ён.

Нагадаем, 11 ліпеня прыблізна а 5:30 расейскія вайскоўцы атакавалі Салтоўскі раён Харкава, ужыўшы беспілотныя лятальныя апараты - папярэдне, тыпу «Герань-2». Там размешчаны радзільны дом. 9 пацярпелых, сярод іх немаўля.