У краму ў Чэрвені запаўзла змяя

• 12.07.2025, 10:00

Прадавец аператыўна звярнуўся ў МНС.

Удзень 11 ліпеня ў адной з крам Чэрвеня – гандлёвым пункце «Расток» - заўважылі змяю. Прадавец аператыўна звярнуўся па дапамогу ў МНС.

Ратавальнікі ўстанавілі, што змяя паводзіла сябе спакойна і не праяўляла агрэсіі. Для яе адлову не спатрэбілася ніякага спецыяльнага рыштунку.

Як высветлілася пазней, паўзун выявіўся звычайным вужом, які не ўяўляе небяспекі для людзей.