Прэзідэнт Фінляндыі таемна прыняў удзел у аматарскім трыятлоне

• 12.07.2025, 16:49

Аляксандр Стуб заняў 2-е месца.

У фінскім горадзе Еройнен прайшоў традыцыйны трыятлонны ўік-энд.

У пятніцу адбыліся спаборніцтвы на спрынтарскай дыстанцыі: 750 метраў плавання, 20 кіламетраў велагонкі і 5 кіламетраў бегу.

У стартавым пратаколе сярод удзельнікаў быў зарэгістраваны ўдзельнік пад ініцыяламі A.S. Пазней высветлілася, што пад гэтым абазначэннем выступае прэзідэнт Фінляндыі Аляксандр Стуб, піша «Трыбуна».

Ён пераадолеў дыстанцыю за 1:04:19 і заняў другое месца ў мужчынскай катэгорыі "фітнэс".

Калі прэзідэнт перасек фінішную рысу, дыктар абвясціў пад апладысменты трыбун: «Аляксандр Стуб».

Адзначым, што прэзідэнт Фінляндыі яшчэ і выдатна гуляе ў гольф, што дапамагло яму падчас перамоў з Дональдам Трампам.