Трамп анансаваў 30% мыты супраць ЕЗ і Мексікі

• 12.07.2025, 17:04

Яны набудуць моц з 1 жніўня.

Прэзідэнт ЗША Дональд Трамп заявіў, што ў дачыненні да Еўразвязу і Мексікі ўвёў 30% мыты на імпарт.

Пра гэта паведамляе РБК-Украіна са спасылкай на ягоны допіс у сацсетцы Truth Social.

Са слоў прэзідэнта ЗША, пачынаючы з 1 жніўня тавары, якія імпартуюцца з ЕЗ і Мексікі ў Амерыку - будуць абкладацца 30% мытай.

Між іншым, у лісце да кіраўніка Еўракамісіі Уршулі фон дэр Ляен ён напісаў наступнае:

- Нашы дачыненні, на жаль, былі далёкія ад узаемнасці. Пачынаючы з 1 жніўня 2025 года, мы ўводзім тарыф сумаю 30 працэнтаў на прадукцыю ЕЗ, якая паступае ў Злучаныя Штаты, - сказана ў публікацыі.

Адзначым, што Еўразвяз спадзяваўся дасягнуць гандлёвай угоды з ЗША.