Украінскіх школьнікаў навучаць кіраваць FPV-дронамі

• 12.07.2025, 17:20

Міністэрства адукацыі і навукі краіны зацвердзіла абноўленую "Абарону Украіны".

Украінскіх школьнікаў будуць вучыць кіраванню FPV-дронамі ў рамках абноўленай "Абароны Украіны" для ўстаноў сярэдняй адукацыі. Адпаведныя змены ў прадмеце ўжо зацверджаны загадам Міністэрства адукацыі і навукі Украіны.

Адзначаецца, што ў абноўлены пералік сродкаў навучання і абсталявання для выкладання "Абароны Украіны" ўвайшлі:

- сімулятары для кіравання FPV-дронамі з кампутарамі;

- дроны для практычнага навучання;

- радыёстанцыі для вывучэння асноў сувязі;

- інтэрактыўныя лазерныя стралковыя трэнажоры;

- планшэты для навучання;

- сучаснае мультымедыйнае абсталяванне;

- манекены для навучання рэанімацыі і аказання першай дапамогі;

- турнікеты і сродкі спынення крывацёку;

- камплекты тактычнай медыцыны;

- трэнажоры для адпрацоўкі навыкаў аказання дапамогі ў выпадку траўм;

- абноўленыя каскі і бронекамізэлькі;

- процівагазы з сертыфікатамі якасці;

- сродкі хімічнай абароны;

- іншае неабходнае абсталяванне.

- Абноўленае абсталяванне дазволіць навучыць вучняў і вучаніц навыкам дамедыцынскай дапамогі, якія ратуюць жыцці, падрыхтаваць іх да выкарыстання сучасных тэхналогій у сферы бяспекі, развіць крытычнае мысленне і ўстойлівасць да дэзінфармацыі, сфармаваць практычныя ўменні для дзеянняў у надзвычайных сітуацыях, - сказана ў паведамленні МАН.