У Менску купілі дом за 3 мільёны даляраў

• 12.07.2025, 20:32

Яго плошча - 653 "квадраты".

У Алімпік Парку ў Лебядзіным у чэрвені купілі дом больш за 3 млн даляраў.

Дом знаходзіцца ў катэджнай забудове ЖК "Алімпік Парк" ад "Тапаса" каля заказніка Лебядзіны. Ён выявіўся самым дарагім домам, прададзеным у Беларусі ў мінулым месяцы і наогул з пачатку года, піша Realt.

Што тычыцца дома, то гэта цагляны катэдж 2020 года на 652 квадраты. За яго аддалі 3,02 млн даляраў.

Адзначым, што катэджы ў "Алімпік Парку" нярэдка становяцца самымі дарагімі дамамі, прададзенымі ў краіне за месяц. Але раней тамака кошты круціліся блізу мільёна даляраў за дом.

Таму можна выказаць здагадку, што прададзены ў чэрвені катэдж быў з рамонтам і мэбляй.

Дарэчы, у гэтым жа квартале прадаецца яшчэ адзін дом. Гэта катэдж 2020 года на 505 квадратаў пад аздабленне.

Кошт - 2 мільёны даляраў.