Мэсі прадоўжыў рэкордную серыю, аформіўшы пяты дубль запар у МЛС
- 13.07.2025, 12:01
Легенда футболу двойчы падмануў галкіпера.
Легенда футболу Ліянэль Мэсі прынёс «Інтэр Маямі» перамогу над «Нэшвілам» (2:1) у матчы рэгулярнага чэмпіянату МЛС.
На 17-й хвіліне аргентынскі форвард адкрыў лік ударам са штрафнога.
На старце другога тайму «Нэшвіл» адгуляўся, аднак на 62-й хвіліне Мэсі зноў вывеў «Інтэр Маямі» наперад.
Ліянэль скарыстаўся чарговай памылкай галкіпера. Нападнік перахапіў перадачу Уіліса, абгуляў яго і накіраваў мяч у пустую браму.
«Інтэр Маямі» ўтрымаў перамогу. Флорыдская каманда займае пятае месца ў табліцы Усходняй канферэнцыі МЛС, набраўшы 38 балаў у 19 матчах.
Мэсі аформіў пяты дубль запар у матчах МЛС, абнавіўшы рэкорд лігі, які сам і ўстанавіў у папярэдняй сустрэчы.
Усяго ў гэтым сезоне ў актыве 38-гадовага аргенцінца 16 галоў і восем асістаў у 16 паядынках рэгулярнага чэмпіянату.