Зяленскі заявіў аб новых аперацыях на тэрыторыі РФ

• 13.07.2025, 20:40

Украіна будзе адказваць на ўдары РФ.

Прэзідэнт Украіны Уладзімір Зяленскі правёў у нядзелю, 13 ліпеня, нараду з вайскоўцамі і міністрам абароны Рустэмам Умеравым. Прэзідэнт падкрэсліў, што Расея адстае ад свайго плана па наступальных дзеяннях гэтым летам і паабяцаў адказваць асіметрычна на кожны ўдар па ўкраінцах, піша «Люстэрка тыдня. Украіна».

«Мы бачым намеры і спробы развіцця наступальных дзеянняў ворага, і важна, што кожная такая спроба захлынаецца дзякуючы стойкасці нашых падраздзяленняў і актыўнай абароне. Расейскае войска значна адстала ад чаканняў яе камандавання на гэтае лета. Нашы падраздзяленні будуць і надалей знішчаць акупанта і рабіць усё для пераносу вайны на расейскую тэрыторыю. Рыхтуем новыя нашы дальнабойныя ўдары», - адзначыў Зяленскі падчас нарады.

Гетман УСУ Аляксандр Сырскі паведаміў аб сітуацыі на ключавых накірунках абароны - у прымежжы Сумскай вобласці, Харкаўскай вобласці, у Запарожскай вобласці, на Пакроўскім і Новапаўлаўскім кірунках.

Са слоў Зяленскага, працягваецца падрыхтоўка да візіту ва Украіну генерала Келага і праца з партнёрамі па пастаўках зброі. Ён адзначыў, што на сёння 40 адсоткаў узбраення вырабляецца ва Украіне і гэты адсотак неабходна нарошчваць.