У медыцынскія ВНУ Беларусі сёлета набралі 80% студэнтаў з мэтавым накіраваннем

• 13.07.2025, 21:35

Улады спрабуюць даць рады дэфіцыту лекараў.

У Беларусі падведзены вынікі мэтавага набору ў медыцынскія ВНУ. Дзяржаўныя СМІ паведамляюць аб амаль двухразовым росце дзелі абітурыентаў, якія хочуць вучыцца з мэтавым накіраваннем.

Паводле інфармацыі дзяржаўнага тэлеканала, сёлета ў медыцынскіх ВНУ на 2 277 мэтавых месцаў было пададзена звыш 3300 заяў. Калі ў 2021 годзе толькі 47% студэнтаў паступалі з мэтавымі накіраваннямі, то ў цяперашнім — ужо 80% ад усіх бюджэтных месцаў.

Адзначым, што такім чынам улады хочуць зменшыць дэфіцыт лекараў. Выпускнікі з мэтавым накіраваннем павінны будуць адпрацаваць пяць гадоў.