У Францыі зняволены ўцёк з турмы ў торбе з рэчамі

• 14.07.2025, 9:18

Для ўцёкаў ён худнеў два тыдні.

11 ліпеня са следчага ізалятара "Корбас", які знаходзіцца паблізу ад Ліёна на ўсходзе Францыі, у торбе ўцёк 20-гадовы зняволены. Пра гэта 12 ліпеня паведаміў BFM TV.

Тэлеканал адзначае, што мужчына адбываў некалькі ўжо прызначаных тэрмінаў турэмнага зняволення і быў фігурантам яшчэ аднаго расследавання, звязанага з арганізаванай злачыннасцю.

Паводле папярэдняй версіі, з СІЗА ён уцёк, схаваўшыся ў торбе з рэчамі іншага зняволенага, якога адпускалі ў сувязі са сканчэннем яго тэрміну зняволення.

Адміністрацыя турмы пачала ўнутранае расследаванне. Уцекача абвясцілі ў вышук праз Інтэрпол.

Ліёнскае выданне Le Progrès сцвярджае, што зняволены, які збіраўся ўцячы ў адной з торбаў сукамерніка, вялікім мяшку на “маланцы”, два тыдні галадаў, каб не паправіцца. Вызвалены трэніраваўся несці торбу.

Збегчы зняволенаму на імі Элязід Ахамада ўдалося ў тым ліку таму, што частку шляху да выхаду з ізалятара торбу везлі на вазку. Выданне адзначае, што рост уцекача складае 1,72 м, ён “падцягнуты і атлетычны”.

СМІ пішуць, што “Корбас” перапоўнены зняволенымі: на 1 траўня на 678 месцах змяшчалася 1218 чалавек, што амаль на 180% больш прадугледжанай колькасці.