Спецпрадстаўнік Трампа Кіт Келаг прыбыў у Кіеў

• 14.07.2025, 9:28

Сёння прэзідэнт ЗША абяцаў “важную заяву аб Расеі”.

Ва Украіну з афіцыйным візітам прыбыў спецпрадстаўнік прэзідэнта ЗША Кіт Келаг.

Пра гэта ў панядзелак, 14 ліпеня, паведаміў кіраўнік Офіса прэзідэнта Украіны Андрэй Ярмак.

"Абарона, умацаванне бяспекі, зброя, санкцыі, абарона нашых людзей, узмацненне супрацоўніцтва паміж Украінай і ЗША — шмат тэм для размовы. Расея не хоча спыняць агонь. Мір праз сілу - гэта прынцып прэзідэнта ЗША Дональда Трампа, і мы падтрымліваем гэты падыход”, — напісаў Ярмак у сваім Telegram-канале, публікуючы кадры сустрэчы Келага на вакзале ў Кіеве.

Адзначым, сёння Трамп абяцаў “важную заяву аб Расеі”.