«Гэта папераджальны стрэл»

• 14.07.2025, 9:55

Што азначае новая рыторыка Трампа ў дачыненні да Пуціна.

Гнеўная рыторыка прэзідэнта ЗША Дональда Трампа на адрас расейскага дыктатара Уладзіміра Пуціна змякчае асцярогі, што Вашынгтон можа адмовіцца ад Украіны, але ў той жа не азначае кардынальных змен на карысць Кіева.

Пра гэта піша Financial Times, аналізуючы апошнія заявы амерыканскага лідара.

Гнеў Трампа сігналізуе аб сур'ёзнай змене рыторыкі Белага дома, паколькі ў першыя месяцы свайго другога тэрміну прэзідэнт ЗША ўскладаў адказнасць за канфлікт на прэзідэнта Украіны Уладзіміра Зяленскага. Аднак з тых часоў прэзідэнт ЗША ўсё больш раздражнёны упартасцю краіны-агрэсаркі Расеі ў перамовах аб магчымым спыненні агню ў вайне супраць Украіны, якая б паслужыла крокам да доўгатэрміновага ўрэгулявання — ключавой мэты замежнай палітыкі Трампа, піша FT.

І ўсё ж, жорсткія заявы Трампа могуць не азначаць кардынальныя перамены. Так, на думку Макса Бэргмана з Цэнтра стратэгічных і міжнародных даследаванняў, «гэта папераджальны стрэл у бок Расеі і Пуціна», аднак гэта не азначае, што Злучаныя Штаты раптам ператворацца ў вернага хаўрусніка Украіны ці пачнуць ёй надаваць вялікую падтрымку.

Новая рыторыка Трампа спарадзіла ў еўрапейскіх сталіцах пэўныя надзеі на тое, што ягоная пазіцыя змянілася, аднак, як паведамілі ft два высокапастаўленыя чыноўнікі, якія ўдзельнічалі ў перамовах з ЗША ў пытаннях абароны і бяспекі, пакуль мала рэальных довадаў таго, што Белы дом стане больш праўкраінскім.

Са слоў чыноўнікаў, заходнія хаўруснікі Украіны ўсё яшчэ мяркуюць, што Трамп схільны разглядаць Пуціна як свайго галоўнага партнёра ў перамовах, а Зяленскага — як галоўную перашкоду на шляху да дасягнення мірнага пагаднення.

Суразмоўцы FT таксама паказалі, што, комплексы Patriot маюць вызначальнае значэнне для здольнасці Украіны абараніць сябе ад нападаў РФ, яны не зменяць ход вайны.