Axios: Краіны NATO набудуць у ЗША зброю на $ 10 млрд для паставак Украіне

• 14.07.2025, 21:21

План паставак зброі прадугледжвае перадачу дальнабойных ракетаў.

Украіна атрымае амерыканскую зброю на 10 млрд даляраў. Яе ў ЗША набудуць краіны Еўропы.

Пра гэта паведамляе Axios.

Неназваная крыніца расказала Axios, што ЗША прададуць краінам NATO ўзбраення прыкладна на 10 мільярдаў даляраў у рамках першага этапу.

Чакаецца, што ўкраінскія ваяры атрымаюць амерыканскія ракеты, сродкі СПА і артылерыйскія снарады.

У той самы час два неназваныя суразмоўцы расказалі Axios, што план паставак зброі Украіне прадугледжвае перадачу дальнабойных ракетаў, здольных наносіць удары ўглыб тэрыторыі Расеі.