Беспілотнікі атакавалі цэнтр Варонежа

• 15.07.2025, 10:49

Жыхары горада паведамілі пра буйны пажар.

Уночы 15 ліпеня беспілотнікі масавана атакавалі Варонеж, паведаміў губернатар Варонежскай вобласці Аляксандр Гусеў. Паводле ягоных звестак, у выніку падзення абломкаў раны атрымалі 15 чалавек у Цэнтральным і Камінтэрнаўскім раёнах горада.

Паводле звестак Mash, адзін з дронаў рэзнуўся ў жылы пяціпавярховы дом на вуліцы Пляханава, размешчаны недалёка ад будынка ўрада вобласці. Абломкі беспілотніка пашкодзілі дзіцячы садок, які знаходзіцца побач, а таксама гандлёвы цэнтр «Галерэя Чыжова». Таксама абломкі дронаў пасеклі фасады дамоў у Політэхнічным завулку.

Жыхары Варонежа таксама паведамлялі аб буйным пажары ў горадзе пасля атакі дронаў, але што менавіта гарэла, пакуль невядома.