Беларускія прадпрыемствы тонуць у пазыках

• 15.07.2025, 12:52

Запазычанасць вырасла на траціну.

У студзені-траўні 2025 года рэнтабельнасць рэалізаванай прадпрыемствамі прадукцыі склала 8,2%, рэнтабельнасць продажаў — 6,8% (абодва паказчыкі за год не змяніліся), паведамляе Нацыянальны статыстычны камітэт.

Дэбіторская запазычанасць (запазычанасці прадпрыемству) на 1 чэрвеня вырасла да 94,3 млрд рублёў (73,4 млрд; +28,5%), у тым ліку пратэрмінаваная — 10,9 млрд (10,1 млрд; +7,9%).

Крэдыторская запазычанасць (запазычанасці прадпрыемства) — 112,1 млрд (85,4 млрд; +31,3%), у тым ліку пратэрмінаваная-12,9 млрд (9,8 млрд; +31,6%).