Жыхары Прылук сцвярджаюць, што па аграгарадку сноўдае воўк

• 15.07.2025, 15:39

Жывёліна з'яўляецца выключна ўвечары.

Жыхары Прылук занепакоеныя з'яўленнем у аграгарадку дзіўнага звера. Як распавяла «Онлайнеру» адная з чытачак, жывёліна з'яўляецца выключна ўвечары, шпацыруе па вуліцы і падыходзіць да пад'ездаў жылых дамоў.

«Першае паведамленне аб гэтай жывёліне з'явілася на выходных: людзі ўбачылі яго побач з «Белмаркетам» і напісалі: «Асцярожна! На паркоўцы заўважаны воўк». Цікавасці да людзей ён не выяўляў. Учора прыязджаў ветэрынар, але воўк з'яўляўся ўвечары, таму яго ніхто не ўбачыў. Учора яго заўважылі ў Сеніцы. Як сонца садзіцца, так ён і з'яўляецца. Галоўная праблема ў тым, як людзям рэагаваць у падобнай сітуацыі. У міліцыі і ў МНС казалі, што гэта не ў іх кампетэнцыі», — распавяла Юлія.

Сітуацыю пракаментаваў і начальнік аддзела паляўнічай гаспадаркі= «Мінлясгаса» Аляксандр Казарэз. На ягоную думку, мясцовыя жыхары сутыкнуліся са звычайным валацужным сабакам.

«Нават хада адрозніваецца, таму з упэўненасцю магу сказаць, што гэта проста валацужны сабака, але не шэры воўк. Бываюць выпадкі, калі людзі прымалі вялізнага сабаку за сапраўднага караля лесу, але, калі прыгледзецца, адрозненні відавочныя. Галоўнае - не панікаваць і ўважліва назіраць», — цытуе Аляксандра Казарэза выданне «Прысталічча».

Каму тэлефанаваць у выпадках, калі ўбачыў звера? Па каментар журналісты звярнуліся ў МНС, куды нярэдка тэлефануюць з нагоды адлову дзікіх жывёлін, і атрымалі наступны адказ:

«Ліквідацыя пагроз ад дзікіх жывёл не ўваходзіць у кампетэнцыю МНС, разам з тым людзі могуць патэлефанаваць з запытам у МНС, дзе нашы спецыялісты перанакіруюць паведамленне ў кампетэнтныя ведамствы і арганізацыі [а менавіта: раённую інспекцыю прыродных рэсурсаў]».