Белы дом прызнаў, што Трамп і Зяленскі абмяркоўвалі ўдары па Маскве амерыканскай зброяй

• 15.07.2025, 21:31

Спікерка Белага дому пракаментавала паведамленні СМІ.

Спікерка Белага дому Кэралайн Лівіт пракаментавала паведамленні СМІ пра апошнюю размову прэзідэнта ЗША Дональда Трампа і прэзідэнта Украіны Уладзіміра Зяленскага датычна патэнцыйнага «ўдару па Маскве». Яе словы публікуюць ABC News і a target="_blank" href="https://www.newsweek.com/trump-zelensky-moscow-st-petersburg-putin-russia-strikes-2099034">Newsweek 15 ліпеня.

Паводле інфармацыі Financial Times і The Washington Post, 14 ліпеня падчас тэлефоннай размовы з Зяленскім Трамп спытаўся, ці можа Кіеў нанесці ўдар па Маскве і Санкт-Пецярбургу.

Лівіт не запярэчыла, што такі дыялог быў, але ў той самы час яна абвінаваціла Financial Times у «вырыванні словаў з кантэксту, каб набраць клікі».

Спікерка Белага дому адзначыла, што «Трамп толькі задаваў пытанні, а не заклікаў да далейшых забойстваў», а таксама што ён «нястомна працуе, каб спыніць забойствы і пакласці канец гэтай вайне».