Іншамаркі для беларусаў падаражэюць

• 15.07.2025, 21:41

Калі і чаму?

Кошт машынаў, якія ўвозяцца ў Беларусь праз паралельны імпарт, можа вырасці ў 2026 годзе. Што зменіцца, расказалі прадстаўнікі Беларускай аўтамабільнай асацыяцыі Office Life.

«Рада міністраў» выпусціла дакумент, з якім увозіць у краіну без працэдуры ўхвалення тыпу транспартнага сродку (гэта значыць без выпрабаванняў) цягам года можна не больш за малую партыю аўтамабіляў аднаго тыпу (адной мадэлі).

Цяпер памер малой партыі складае 150 аўто. Гэта значыць цяпер усе юрыдычныя асобы разам узятыя змогуць увезці ў краіну без выпрабаванняў не больш за 150 машынаў адной мадэлі.

У сутнасці, гэта вяртанне да старых парадкаў, якія дзейнічалі да 2022 года. Аднак праз боязь дэфіцыту аўто абмежаванне было потым знятае.

Каб атрымаць дакумент аб спраўнасці і надзейнасці, машыне трэба прайсці больш за 50 выпрабаванняў, у тым ліку і краш-тэсты. Абысціся такая працэдура можа ад Br50 да 150 тыс.

Як зменяцца кошты

Як адзначыў старшыня ўправы Аўтамабільнай асацыяцыі Сяргей Варывода, новая сістэма практычна не адаб'ецца на імпарце аўто афіцыйнымі дылерамі.

Аднак могуць узнікнуць часовыя цяжкасці для пэўных марак, якія ўвозяцца ў рэжыме паралельнага імпарту.

Цяпер кошты такіх машынаў вырастуць. З улікам затратаў на выпрабаванні, увоз у краіну адной мадэлі аўтамабіля колькасцю менш як 100 адзінак на год стане эканамічна немэтазгодным.

У асацыяцыі прагназуюць: у 2025 годзе кошты яшчэ не будуць падвышацца. Пастанова для машынаў з ДВС пачне дзеянне праз месяц пасля публікацыі, а для электрамабіляў толькі з 1 студзеня 2026 года.

Ужо зімой можна чакаць падаражэння мадэлей, якія ўвозяцца ў краіну паралельным імпартам.