Як правільна даваць зваротную сувязь?

• 16.07.2025, 18:04

Эфект залежыць ад зместу, часу, даверу і абставінаў.

Зваротная сувязь – магутны інструмент, які можа як умацаваць стасункі, так і разбурыць іх. Даследаванні паказваюць: больш за трэць спробаў даць зваротную сувязь прыводзяць да пагаршэння вынікаў. Прычына часта ў тым, як і калі яна дадзеная, піша Psychology Today (пераклад – сайт Charter97.org).

Эксперты з Гарвардскага перамоўнага праекту вылучаюць тры галоўныя «трыгеры» адмовы ад зваротнай сувязі:

Ісціна – мы з ёй не згодныя.

Стасункі – мы не давяраем крыніцы.

Ідэнтычнасць – закранае наша ўяўленне пра сябе.

Каб зваротная сувязь была прынятая, важна задаваць тон з клопатам і цікаўнасцю, а не з асуджэннем. Пачніце размову з фразы накшталт: «Я заўважыў адну рэч, і хацеў бы абмеркаваць яе з табой. Думаю, гэта можа быць карысна для нас абаіх». Кажыце канкрэтна, без ярлыкоў, і пакіньце прастору для адказу.

Не менш важна – разабрацца ў сабе. Перад тым як казаць, варта задаць сабе пытанні: Што я на самай справе адчуваю? Я спрабую дапамагчы ці проста раздражнёны?

Гісторыя аднаго кіраўніка са сферы тэхналогій пацвярджае: шчырасць, давер і правільны момант робяць зваротную сувязь каштоўным падарункам, а не падставай для канфлікту.

Выснова: давайце зваротную сувязь з яснасцю, увагай і цікавасцю – і толькі тады, калі яна сапраўды можа быць пачутая.