У Лукашэнкі абвастрылася яшчэ адна праблема

• 17.07.2025, 14:15

Важны для дыктатара паказчык сышоў у мінус.

У Беларусі прасядаюць тэмпы будаўніцтва новага жылля з дзяржаўнай падтрымкай, вынікае са звестак Белстата. Што ж тычыцца будаўніцтва нерухомасці канкрэтна для ільготнікаў, то гэты паказчык па-ранейшаму знаходзіцца ў мінусе, піша «Зеркало».

За першае паўгоддзе арганізацыі ўсіх формаў уласнасці ў краіне пабудавалі 1 млн 848, 5 тыс.м2 агульнай плошчы жылля.

Пры гэтым з дзяржпадтрымкай за студзень-чэрвень агулам у краіне пабудавалі для чаргавікоў 352 тыс.м2 жылля. Гэта на 3,2% менш, чым за аналагічны перыяд 2024-га.

У сакавіку мінулага года Раман Галоўчанка, які на той момант быў прэм'ер-міністрам, заявіў, што ў Беларусі наспела неабходнасць змяніць падыходы да забеспячэння беларусаў жыллём. Ён адзначаў, што ў будаўніцтве жылля, асабліва з дзяржпадтрымкай, узнікаюць «пэўныя складанасці».

На праблему з будаўніцтвам жылля з дзяржпадтрымкай у чэрвені мінулага года звярнуў увагу Аляксандр Лукашэнка.