Першы ў Беларусі ШІ-асістэнт пачаў працу у гарадзенскім шпіталі.

• 17.07.2025, 19:09

Спецыялізаваны кіёск дапамагае арганізаваць чаргу ў прыёмным пакоі.

У Гародні стартаваў першы ў Беларусі праект з выкарыстаннем штучнага інтэлекту ў медыцынскай сферы.

Падрабязнасці паведамляе "Тэлерадыёкампанія Гародня".

У Гарадской клінічнай бальніцы хуткай медыцынскай дапамогі ўкаранёны ШІ-асістэнт, які ўжо працуе ў прыёмным аддзяленні.

Новы тэхнічны комплекс быў распрацаваны ў выніку супрацоўніцтва медустановы і навукова-практычнай лабараторыі, якая спецыялізуецца на тэлемедыцынскіх тэхналогіях і інфармацыйнай бяспецы.

ШІ-асістэнт праводзіць апытанне пацыентаў, задаючы ім 35 пытанняў. Атрыманыя звесткі адразу перадаюцца лекару, што дазваляе медыкам засяродзіцца на першасным аглядзе і павялічвае якасць медыцынскай дапамогі.

У склад новага комплексу ўваходзіць офіс лічбавых асістэнтаў, які плануецца развіваць і ў іншых аддзяленнях бальніцы, а таксама разумны кіёск.

Гэты кіёск дапамагае арганізаваць чаргу ў прыёмным пакоі і скараціць час чакання прыёму.