Belavia адкрывае прамыя рэйсы на востраў Хайнань

• 17.07.2025, 19:21

Рэйсы будуць адзін раз у тыдзень.

Авіякампанія Belavia адкрывае прамыя рэйсы да кітайскай выспы Хайнань. Самалёты будуць лятаць у горад Санья ўжо з 8 кастрычніка. Пра гэта паведамляюць у прэс-службе авіяперавозчыка.

Рэйсы будуць выконвацца адзін раз у тыдзень у сераду на паветраным судне Airbus A330-200.

Вылет з Менска запланаваны на 04:40, а прыбывае самалёт у Санью а 20:00.

Зваротны рэйс з Сан'і будзе вылятаць а 22:00, а ў Менску ён апынецца а 04:20 наступнага дня.

Час для ўсіх аэрапортаў паказаны мясцовы.

Кошт білетаў у адзін бок пачынаецца ад Br1325. Туды-назад цана складзе Br2162.

Набыць іх ужо можна на сайце belavia.by, у офісах продажу і ў агентаў.