Украінскія дроны атакавалі Маскву і Дзяржынск

• 18.07.2025, 7:55

Прагрымелі выбухі.

Уначы Расею атакавалі беспілотнікі, выбухі гучалі ў Маскве і Дзяржынску, мясцовыя жыхары паведамляюць пра прылёты, піша unian.net.

Паведамляецца, што ў Дзяржынску Ніжагародскай вобласці прагучала не менш за дзесяць выбухаў, са слоў мясцовых жыхароў, БПЛА атакавалі цэлі ў раёне мясцовай прамзоны.

"Відавочцы расказа, што чулі чатыры выбухі ў раёне 3:30 ночы і яшчэ ад пяці да васьмі бліжэй да 4:45 раніцы. Са слоў мясцовых жыхароў, спрацавала сістэма СПА па паветраных цэлях у раёне мясцовай прамзоны. Відавочцы сцвярджаюць, што БПЛА ляцелі вельмі нізка. Таксама паведамляецца аб праблемах з падключэннем да Інтэрнэту ў вобласці", - піша SHOT.

Таксама ў аэрапорце Ніжняга Ноўгарада, які размешчаны прыкладна за 25 км ад Дзяржынска, уводзілі план «дыван».

У Дзяржынску размешчаны заводы, якія вырабляюць розныя боепрыпасы і кампаненты да іх.

Таксама дроны атакавалі Маскву, паведамлялася, што на падлёце да горада збітыя мінімум чатыры беспілотнікі.

Пры гэтым мясцовыя жыхары заяўляюць аб прылёце ў Солнечнагорск Маскоўскай вобласці, таксама не менш за тры выбухі прагрымела ў прыгарадзе Зеленаграда. Акрамя таго, аб выбухах заяўлялі жыхары падмаскоўнай Кубінкі.