Румынія пачала перамовы з Украінай аб супольнай вытворчасці дронаў

• 18.07.2025, 11:55

Магчымым месцам вытворчасці называюць горад Брашаў.

Міністэрства абароны Румыніі пачынае перамовы з Украінай аб супольнай вытворчасці беспілотнікаў, якія могуць быць выкарыстаны румынскім войскам і экспартаваныя ў краіны Еўропы.

Пра гэта паведамляе Digi24.

Прадстаўнікі румынскага Мінабароны пацвердзілі, што перамовы з украінскай стараной ужо рыхтуюцца. Чакаецца, што дамоўленасці абмяркуюць на ўзроўні міністраў абароны абедзвюх краін.

Паводле папярэдняй задумы, украінскія вытворцы дадуць баявыя тэхналогіі, правераныя на фронце, а Румынія прафінансуе вытворчасць кампанентаў. Магчымым месцам вытворчасці называюць горад Брашаў.

Беспілотнікі будуць паступаць на ўзбраенне Румыніі, а таксама экспартавацца. Аднак, праз абмежаванні бюджэту рэалізацыю праекта могуць перанесці на 2026 год.