«Разам з ЗША мы прымусім Пуціна спыніць агонь»

• 18.07.2025, 12:05

Францыя вітае прыняцце 18-га пакета санкцый супраць РФ.

Міністр замежных спраў Францыі Жан-Наэль Баро вітаў прыняцце 18-га пакета санкцый ЕЗ супраць Расеі і адзначыў вызначальную ролю Францыі ў гэтым працэсе.

Пра гэта ён напісаў у сацсетцы X.

Баро назваў новы санкцыйны пакет "беспрэцэдэнтным", бо ён накіраваны як супраць Расеі, так і супраць трэціх краін, якія падтрымліваюць агрэсара.

"Францыя адыграла вызначальную ролю. Разам з ЗША мы прымусім Уладзіміра Пуціна да спынення агню", - адзначыў ён.

Нагадаем, 18 ліпеня Еўрапейскі Звяз ухваліў 18-ы пакет санкцый супраць Расеі. Кая Калас назвала яго адным з самых моцных.

У 18-ы пакет санкцыйных захадаў супраць Расеі ўвайшло больш за сотню суднаў “ценявога флоту”, зніжэнне коштавай граніцы на расейскую нафту і захады супраць банкаў і кампаній за межамі РФ, якія ўцягнутыя ў падтрымку яе вайсковай машыны.