Беларус узяў з сумкі цесця даляры і занёс у банк

• 18.07.2025, 16:00

Сталася, што гэта фальшыўка.

Дапамога ў гаспадарцы скончылася для 34-гадовага мужчыны валютнай экспертызай і праверкай праваахоўнікаў, паведамілі ў прэс-службе Дзяржаўнага камітэта судовых экспертыз.

Прыехаўшы ў госці да сваякоў жонкі ў адзін з населеных пунктаў Столінскага раёна, мужчына знайшоў у гаражы сумку нябожчыка цясця. Унутры - дакументы і тры стадаляравыя купюры. Вырашыў праверыць сапраўднасць банкнот і занёс іх у банк, дзе адна з іх выклікала падазронасць.

Купюру накіравалі на экспертызу, дзе спецыяліст пацвердзіў: банкнота - падробка. Вырабленая яна была не на афіцыйным прадпрыемстве, а з ужываннем плоскага афсетнага друку. Ахоўная нітка і вадзяны знак імітаваныя.

Як падробленыя даляры апынуліся ў сумцы памерлага мужчыны, ніхто са сваякоў патлумачыць не змог.